Pushtimi i Ukrainës, Presidenti i këtij shteti të madh del në mbështetje të Putinit

Ndërsa e gjithë bota po i cilëson sulmet ruse ndaj Ukrainës si të pajustifikueshme dhe kanë marra sanksione ndëshkuese, Presidenti i Venezuelës, Nicolas Maduro ka dalë në mbështetje të homologut të tij rus, Vladimir Putin.
Mediat e huaja kanë bërë me dije se dy liderët kanë zhvilluar një bisedë telefonike me iniciativën e Karakasit, i cili ka ofruar mbështetjen e tij të fuqishme ndaj Rusisë.

Sipas një komunikate të lëshuar nga Kremlini, Maduro i dënoni edhe, siç thuhet, “veprimet destabilizuese të Shteteve të Bashkuara dhe NATO-s”.

Qindra njerëz janë vrarë në Ukrainë dhe së paku gjysmë milioni janë zhvendosur qëkur Rusia ka nisur pushtimin, më 24 shkurt.

Putin ka urdhëruar sulmet, pasi nuk ka marrë garanci se NATO-ja nuk do të zgjerojë aleancën e saj ushtarake drejt lindjes.

Pas telefonatës, Maduro publikoi një mesazh në Tëitter me një fotografi të tij dhe Putinit. Ai po ashtu tha se i ka thënë udhëheqësit rus se Venezuela është “në favor të mirëkuptimit dhe dialogut, si mënyrë për të ruajtur paqen”.
Venezuela, së bashku me Kubën dhe Nikaraguan, janë aleate të Moskës nga Amerika Latine.

Shtetet e Bashkuara dhe dhjetëra vende të tjera nuk e njohin rizgjedhjen e Maduros president në vitin 2018.

You may also like...