Flet Zelensky: Liderë evropianë zgjohuni para se të ndodhë një fatkeqësi bërthamore

Zelensky ka akuzuar Rusinë për bombardime të qëllimshme në termocentralin bërthamor të Zaporizhzhia, pasi një zjarr shpërtheu në objekt pak pas mesnate.

“Tanket ruse qëllojnë blloqet atomike. Ata e dinë se për çfarë po qëllojnë. Ata janë përgatitur për këtë sulm. Për të gjithë ukrainasit, për të gjithë evropianët, për të gjithë njerëzit që e dinë fjalën “Çernobil”, sa viktima ka pasur.”

Fatkeqësia e Çernobilit e vitit 1986, e cila ndodhi në Ukrainën Sovjetike, konsiderohet si aksidenti më i keq bërthamor në histori. Ishte një “katastrofë globale që preku jetën e qindra mijëra njerëzve” dhe pati një ndikim të vazhdueshëm në vend.

“Ne nuk e dimë se si do të përfundojë zjarri në stacion, nëse mund të ketë një shpërthim, Zoti na ruajt”, tha Zelensky, duke shtuar se “djemtë tanë po e mbajnë të sigurt stacionin e energjisë atomike”, tha Zelensky.

“Ka 15 reaktorë bërthamorë në Ukrainë. Nëse njëri prej tyre shpërthen, ky është fundi për të gjithë, ky është fundi i Evropës,” shtoi ai.

“Asnjë vend përveç Rusisë nuk ka qëlluar ndonjëherë mbi reaktorët e një centrali atomik. Hera e parë, hera e parë në histori,” tha ai, duke u kërkuar liderëve evropianë që “të zgjohen tani” dhe të ndalojnë forcat ruse “para se kjo të bëhet një fatkeqësi bërthamore.

You may also like...